ފޯރުކޮށްދޭ ޚިދުމަތްތައް

ދަނޑުވެރިކަން ތަރައްޤީކޮށް ކުރިއެރުވުން

ޒަމާނުއްސުރެ ، ދިވެހިންގެ ދިރިއުޅުމާ ގުޅި ، މުޖުތަމަޢު ޙިއްޞާ ކުރަމުން އަންނަ ، ދަނޑުވެރިކަމަކީ ، ތަރައްޤީ ނުވެ އޮތް އަދި ، ޒަމާނީ ތަރައްޤީއާއި އައު އުފެއްދުންތެރިކަމަށް ހުޅުވިފައި ނެތް ޞިނާޢަތެކެވެ. ކުންފުނި އުފެއްދުމުގެ މައިގަނޑު މަޤްޞަދަކީ ، ދިވެހި ދަނޑުވެރިކަން ތަރައްޤީކޮށް ، ޞިނާޢަތެއްގެ ގޮތުގައި ކުރި އަރުވައި ކޮޅަށްޖެހުމެވެ.އެގްރޯނެޓްގެ އަމާޒަކީ ދަނޑުވެރިންގެ އުފެއްދުންތަކަށް ރަނގަޅު އަގެއް ލިބޭފަދަ ސަޕްލައި ޗޭނެއް ޤާއިމްކުރުމެވެ. އެހެންކަމުން މިކޯޕަރޭޝަނުން ދަނޑުވެރިންގެ އަތުން އެމީހުން އުފައްދާ މޭވާއާއި ތަރުކާރީ ގަނެ، އެ އުފެއްދުންތައް ހޯލްސޭލް ކޮށްގަންނަ ފަރާތްތަކަށް އަލުން ވިއްކާނެ އެވެ. މީގެއިތުރުން ދަނޑުވެރިކަމުގެ އުފެއްދުންތައް އިމްޕޯޓް ކުރުން ބަދަލުކުރުމުގެ ސިޔާސަތެއް އެކުލަވާލުމަށް މަސައްކަތްކޮށް، ރާއްޖޭގެ ދަނޑުވެރިން އުފައްދާ ބާވަތްތަކުގެ އިމްޕޯޓް %50 މަދުކުރުމެވެ. އަދި ރާއްޖޭގައި ދަނޑުވެރިކަމުގެ އުފެއްދުންތެރިކަން އިތުރުކޮށް، ދަނޑުވެރިކަމުގެ ދާއިރާގައި ވެލިއު އިތުރުކުރުމަށް މަގުފަހިކޮށްދީ، ރާއްޖޭގެ ދަނޑުވެރިކަމުގެ އެކްސްޕޯޓްތަކަށް ރާއްޖެއިން ބޭރުގެ މާކެޓްތައް ހޯދުމެވެ. ދެމެހެއްޓެނިވި ގޮތެއްގައި ދަނޑުވެރިކަމުގެ އުސޫލުތައް ކުރިއެރުވުމާއި، ކާބޯތަކެތީގެ ރައްކާތެރިކަން އިތުރުކުރުމާއި، ދަނޑުވެރިކަމުގެ އާމްދަނީ ރަނގަޅުކުރުމެވެ..