ދިވެހި ސަރުކާރުން 2019-2023 ތެރޭގައި ދަނޑުވެރިކަމުގެ ޞިނާޢަތު ކުރިއެރުވުމަށް ޚާއްޞަކުރައްވައިގެން ، ސަރުކާރު ޙިއްޞާވާ ކުންފުންޏެއް ޤާއިމްކުރުމަށް ހުށަހެޅުއްވިއެވެ. ކުންފުނީގެ އަމާޒަކީ ދަނޑުވެރިކަމުގެ ޞިނާޢަތަށް "ބްލޫ އިކޮނޮމީ ވިޝަން"ގެ ދަށުން އައު ދިރުމެއް ގެނައުމެވެ. ދަނޑުވެރިކަމުގެ ޞިނާޢަތަކީ މުހިއްމު ދާއިރާއަކަށް ވެފައި އަދި ޒަމާނީ އެއްވެސް ތަރައްޤީއެއް މިހާތަނަށް ނައިސް ، އެތައް ޒަމާންތަކެއްވެފައިވާކަން ސަރުކާރަށް ފާހަގަކުރެވި، ދަނޑުވެރިކަން ތަރައްޤީކުރުމަށް ޚާއްޞަ އަހައްމިއްޔަތުކަމެއް ދެއްވައި ، ދަނޑުވެރިކަމަކީވެސް ދިވެހިރާއްޖޭގެ އިޤްތިޞާދުގެ މުހިއްމު ތަބެއްގެގޮތުގައި ހެއްދެވުމަށް އެޖެންޑާ ކުރެއްވުމެވެ.

ދިވެހިރާއްޖޭގެ ދަނޑުވެރިކަމަށް ދެވިފައިވާ ސަމާލުކަން އިތުރަށް ހަރުދަނާކޮށް ، ދަނޑުވެރިންގެ އުފެއްދުންތެރިކަމުގެ މިންވަރު އަދި ދަނޑުވެރިކަމުން އުފައްދާ ކާބޯތަކެތީގެ ރައްކާތެރިކަން ކަށަވަރުކުރެވޭނޭ ގޮތްތައް ދެނެގަނެވި ، އަދި ދަނޑުވެރިކަމުގައި ބޭނުންކުރެވޭ ނިޒާމުތަކަކީ ދެމެހެއްޓެނިވި ގޮތެއްގައި ކުރިޔަށް ގެންދެވޭ ކަމެއްގެ ގޮތުގައި ކަށަވަރުކުރުމާއި ، ރާއްޖޭގެ މާޙައުލު ރައްކާތެރިކުރުމާ އަދި ގުޅުންހުރި ދާއިރާތަކާއެކީ މަސައްކަތްކޮށް ، ޖަމާޢަތުގެ ފުދުންތެރިކަން އިތުރުކުރުމަށް މަސައްކަތް ކުރުމެވެ.

ކޮންޓްރެކްޓް ދަނޑުވެރިކަމުގެ ސަބަބުން ދަނޑުވެރިންގެ އުފެއްދުންތަކަށް މާކެޓްގެ ޔަޤީންކަން ލިބިގެންދެއެވެ. ފެންވަރު ރަނގަޅު އުފެއްދުންތަކާއި ޓެކްނޮލޮޖީތައް ލިބިގަތުމާއި އުފެއްދުންތަކުގެ އަގުތައް އެއްހަމައެއްގައި ހިފެހެއްޓުމުގެ އިތުރުން ދަނޑުވެރިކަމުގެ ނަފާ އިތުރުވެގެންދެއެވެ. ކޮންޓްރެކްޓް ދަނޑުވެރިކަމަކީ ދަނޑުވެރިކަމުގެ ސިނާއަތް ތަރައްގީ ކޮށް ކުރިއެރުވުމާއި، ކާބޯތަކެތީގެ ރައްތކާތެރިކަން ލިބިގެން ދިއުމުގެ އިތުރުން ދަނޑުވެރިކަމުގެ ސިޔާސަތު އިތުރަށް ކުރިއަރައިގެންދާނެއެވެ.